Атырауда құны 900 мың теңге болатын акцизделетін өнімдердің заңсыз саудасының жолы кесілді. Бұл туралы Атырау облысы бойынша мемлекеттік кірістер департаменті мәлімдеді.
Атырау қаласы бойынша мемлекеттік кірістер басқармасы маусым айында акцизделетін өнімдердің заңсыз айналымын анықтау және жолын кесу бойынша іс-шаралар жүргізіліп, нәтижесінде 3 жеке тұлға бойынша бұзушылықтар анықтады.Атырау облысы бойынша мемлекеттік кірістер департаменті
Олар:
1520 бөтелке алкоголь өнімдерін заңсыз жолмен сату (бағасы 418 мың теңге);
2000 литр дизельдік отынды заңсыз жолмен сату (бағасы 320 мың теңге);
260 пачка Bond және LM темекі өнімдерін (бағасы 154,6 мың теңге) заңсыз жолмен сату фактісі.
Ведомство іс материалдары Атырау қаласы бойынша әкімшілік құқық бұзушылыктар жөніндегі мамандандырылған сотқа жолданғанын хабарлады.
