Бұл туралы Махамбет аудандық сотының баспасөз қызметі хабарлайды.
Махамбет ауданының тұрғыны М.Ж мас күйінде өз үйінде анасына былапыт сөздер айтып, өзінің іс-әрекетімен отбасылық қарым-қатынаста тұратын азаматтарға сыйламаушылық білдіріп, олардың тыныштығын бұзған.
Қазақстан Республикасы Әкімшілік құқық бұзушылық туралы Кодексінің 73-бабының 1-бөлігінде (Отбасы-тұрмыстық қатынастар аясындағы құқыққа қарсы әрекеттер) азамат М.Ж-ға қатысты әкімшілік ісі қаралды.
Істі қарау кезінде азамат өз кінәсін толық мойындап, бұл әрекетін енді қайталамайтынын, анасы Т-мен татуласқанын айтады. Жәбірленуші Т-дан баласына кешірім беретінін,әкімшілік істі тоқтатуды сұрағаны туралы өтініш түскен.
Әкімшілік құқық бұзушылық туралы Қазақстан Республикасының Кодексінің 73-бабының 1-бөлігіне сәйкес қозғалған әкімшілік іс бойынша анасы баласына кешірім беріп, татуласуына байланысты тоқтатылды.
«Жайық-Ақпарат»
Сурет:дереккөз
