Бүгінде Қазақстанда есепке тіркелген бедеу әйелдердің саны 11 мыңнан асып жығылады.
Биыл 7000 үміткер «Аңсаған сәби» президенттік әлеуметтік бағдарламасы аясында ЭКҰ жасатып, ата-ана атану мүмкіндігіне ие болады.
2020 жылмен салыстырғанда бұл процедураға квота саны жеті есе артып отыр. 2018 және 2019 жылдары 902 циклден жүргізілген болатын.
Атырау облысы бойынша ЭКҰ жасатуға бөлінген квоталар санына тоқталатын болсақ: 2018 жылға – 29 квота. 2019 жылға – 30 квота, ал 2020 жылға – 37 квота бөлінген.
Ағымдағы 2021 жыл үшін ЭКО жасатуға – 232 квота бөлу жоспарланып отыр. Экстро – корпоралды ұрықтандыру процедурасын жасату үшін - ең әуелі тұрғылықты мекенжай бойынша арнайы мамандарға жүгініп, диспансерлік есепке тұру қажет, соған сәйкес денсаулық сақтау басқармасы жанынан ЭКҰ бағдарламасы бойынша квота алу тізімі жасалады.
Процедура алуға мүмкіндік беретін басты дәйек – терапиямен емделмейтін бедеулік. Сонымен қатар, Қазақстан азаматы болумен қатар Денсаулық сақтау министрлігі белгілеген медициналық параметрлерге сай келу қажет.
2021 жылға МӘМС бойынша 7000 ЭКҰ жүргізіледі. Әлеуметтік медициналық сақтандыру қорымен 6,2 млрд. теңге сомасында қаржыландыру жоспарлануда.
«Әлеуметтік медициналық сақтандыру қоры»
КеАҚ Атырау облысы бойынша филиалы
Телефондар: 87122/556084, 8/7122/ 55 60 92.
Байланыс орталығы – 1406
