Төтенше жағдайды қамтамасыз ету жөніндегі Жедел штабтың хабарлауынша, Атырау облысында коронавирус инфекциясының тағы 14 жағдайы тіркелген.
14 жаңа жағдайдың арасында 8 жасар Махамбет ауданының тұрғыны бар. Ол аудандық орталық ауруханада ем қабылдаған. Кішкентай қызда коронавирустың бар екендігі, ПТР тестілеу нәтижесінде анықталып, кейін іс-әрекеттер алгоритміне сәйкес, ол инфекциялық стационарға жатқызылды.
Қазіргі уақытта науқастардың инфекция ошақтары анықталып, олармен байланыста болған адамдар анықталуда. Бүгін сағат 15.00-де тікелей эфирде Махамбет ауданының Бас санитарлық дәрігері жағдайға байланысты мәлімдеме жасайды.
"Жайық-Ақпарат"
Сурет:дереккөз
