Өткен тәулікте Атырау облысында 19 адамда коронавирус індеті ПТР арқылы расталып ауырғаны белгілі болды, - деп хабарлайды Атырау облыстық денсаулық сақтау басқармасының баспасөз қызметі.

Қауіпті дертке шалдыққан науқастардың үшеуі Атырау қаласынан тіркелген. Сондай-ақ, Теңіз кенішінен 16 жұмысшыдан covid-19 жұқпасы анықталған. Коронавирус жұқпасымен науқастанғандардың үшеуінде ауру симптомды түрде өтіп жатыр.

Өткен тәулікте үй жағдайында ем алып жатқан 35 адам коронавирус инфекциясынан жазылып шықты. Айта кетейік, қазіргі уақытта 118 адам үй жағдайында емделуде.

Ал, облыстық инфекциялық стационарда 35 науқас, аудандағы инфекциялық стационарда 7, Теңіз кенішінің инфекциялық стационарында 66 адам ем қабылдауда.

Сурет:дереккөз