18 мамыр күні Е.Ағелеуов атындағы Махамбет орта мектебінің жас инспекторлары, облыстық «Жол қозғалысының жас инспекторлары-2019» байқауына қатысып, жүлделі ІІ орынды иеленді.
Бұл сайысқа Атырау қаласы және Атырау қаласына қарасты 6 аудан, 60-қа жуық оқушылар қатынасқан болатын.
Шараның мақсаты - оқушыларға жолда жүру ережелері туралы түсінік беру, оқушылардың танымдық көзқарасын, зейінінің тұрақтылығын дамытып ғана қоймай, өмірге деген құштарлықтарын арттыру. Жарыс бірнеше турлар бойынша өтті.
Барлық командалар кезеңдер бойынша марапатталды. Е.Ағелеуов атындағы Махамбет орта мектебінің «Бағдаршам» тобы саптық дайындық пен командирлер сайысынан – 1 орын, Эрудиттер мен жол қозғалысының ережелерінен – 2 орын, Үгіт бригада бойынша 3 орындарды иеленді. Жалпы команда бойынша ІІ орын алды.
Оқушыларымызға сәттілік тілей отырып, жарайсыңдар дейміз.
Мөлдір САЛАМАТ, мектеп директорының тәрбие ісі жөніндегі орынбасары
