Елбасының «Болашаққа бағдар - рухани жаңғыру» бағдарламасына байланысты «Бұлбұл» бөбекжайының "Қызғалдақ", "Шаттық" топтары арасында үлкен шара өткізілген болатын.

Мұндағы басты мақсат - бүлдіршіндерді ұлттық салт-дәстүрімізді атадан балаға мұра болып келе жатқан ұлттық құндылықтарымызды сақтауға тәрбиелеп, бұрынғы ата - бабамыздың тұрмысы туралы да хабардар ету еді.

Біз алдымен киіз үйдің бөліктері мен жиhаздарын таныстырып, бүлдіршіндерге ата-бабадан мұра болып қалған асық ойындарын да көрсетуге тырыстық. Сондай-ақ «Асық ату», «Ханталапай», «Алтын сақа» сынды ұлттық ойындарын да таныстыруды жөн көрдік.

Ұлттық жаңғырудың өзі ұлттық сананың кемелденуін білдіреді. Ұлттық салт-дәстүрлеріміз, тіліміз бен музыкамыз, әдебиетіміз, жөн-жоралғыларымызды да бүлдіршіндер санасына сіңіруді көздедік.

Туған жердің тарихын біліп және оны мақтан ету – өзіңнің біртұтас ұлы ұлттың перзенті болуға тәрбиелеу емес пе.

Г.Бисенғалиева,

«Бұлбұл» бөбекжайының әдіскері