Атырау облысы Білім беру басқармасының «Таланттарды анықтау және қолдау орталығының» ұйымдастыруымен 2002 жылғы 27 қаңтар күні 9-11 сынып оқушылары арасында қазақ тілі мен әдебиетінен ІV республикалық «Абайтану» олимпиадасының облыстық кезеңі өтті.

Байқаудың облыстық кезеңіне қала, аудан, облыстық мектептерден бірінші кезең жеңімпаздары қатынасып, Абай шығармашылығы бойынша берілген тапсырмаларды орындау мен эссе жазуда сайысқа түсті.

Сайыс нәтижесінде Қ.Ахмедияров атындағы орта мектебінің 9-сынып оқушысы Абдолла Мөлдір (жетекшісі Нұфтоллина Гүлден) және Жалғансай орта мектебінің 10-сынып оқушысы Киікбаева Құндыз (жетекшісі Кушенбаева Динара) «Алғыс хат» иеленсе, Д.Төленов атындағы мектеп-гимназиясының 11-сынып оқушысы Төлеген Ақбота (жетекшісі Жумаханова Жанаргул) жүлделі ІІ орын иеленді. Жүлдегерлерге арнайы дипломмен бірге «Абайдың қара сөздері» кітабы сыйға тартылды.

Өз тілшіміз