Зорлық-зомбылық — тек жеке адамның басына түскен мәселе емес, бүкіл қоғамның қауіпсіздігіне төнетін үлкен қауіп.
Әлемнің әр түкпірінде адамдар түрлі формадағы агрессияның құрбаны болып жатады: физикалық, психологиялық, жыныстық, экономикалық немесе киберзорлық. Қай түрі болса да, зорлық адамның қадір-қасиетін аяққа таптайды, оның құқығын бұзады және өмір сапасына ұзақ мерзімді зиян келтіреді.
Бұл мәселенің маңыздылығы — оның тек жеке тұлғаға емес, тұтас қоғамның әл-ауқатына әсер ететіндігінде. Сондықтан да зорлық-зомбылық туралы ашық айту, алдын алу жолдарын қарастыру және көмек көрсету мәдениетін қалыптастыру — өркениетті қоғамның негізгі міндеттерінің бірі.
Г.СӘДУАҚАС
