Аудан аумағында наурыз айынан бастап эпидемиологиялық жағдай күрделі, эпидемиологиялық ахуалды бағалау матрицасы бойынша қызыл аймақтамыз.

Қазіргі уақытта Махамбет ауданының орталығында коронавирустық инфекциямен сырқаттанушылықтың аудан бойынша анықталған барлық жағдайлардың 65% құрап отыр. Коронавирус инфекциясын жұқтыру қаупінің жоғары болуы қоғамдық орындарға, сауда орталықтарына, базарларға барумен, бұқаралық іс-шараларды (үйлену тойлары, мерейтойлар, еске алу) өткізумен, қоғамдық көлікте алдын алу шараларын, сондай-ақ үй карантині талаптарын сақтамаумен байланысты.

Әрқайсыңызды өз денсаулығыңызды және жақындарыңыздың денсаулығын сақтауға шақырамын және сіздерге:

- эпидемиологиялық жағдайы күрделеніп тұрған аймақтарға барудан, қонақ шақырудан және қонаққа барудан бас тартуға;

- халық көп жиналатын орындарға бармауға;

- жіті респираторлық инфекциялармен ауыратын адамдармен тығыз байланыста болмауға;

- әлеуметтік қашықтықты, маска кию режимін сақтауға кеңес беремін.

Ауданда ақпан айынан бастап коронавирустық инфекцияға қарсы вакцинациялау жүргізілуде. Ұжымдық иммунитет қалыптастырмай ауруды жеңе алмаймыз. Мен Сіздерді барлық санитарлық нормаларды қатаң ұстануға, коронавирустық инфекцияға қарсы жаппай вакцинацияны қолдауға шақырамын.

Г.АЖИГАЛИЕВА,

аудандық санитариялық-эпидемиологиялық бақылау

басқармасының басшысы