Махамбет аудандық пробация қызметі тобының есебінде тұрған жұмыссыз сотталғандар халықты жұмыспен қамту орталығының директоры А.Төлегенмен кездесті.
Кездесуде пробация қызметі есебінде тұрған жұмыссыз сотталғандарды жұмысқа орналастыру мәселесі кеңінен сөз болды. Ай сайын жұмыспен қамту орталығына есепте тұрған жұмыссыз сотталғандардың тізімдері жолданып отырады.
Жалпы бұл кездесудің басты мақсаты – пробация қызметі есебінде тұратын қоғамнан оқшалаумен байланысты емес жазаға сотталған тұлғаларға әлеуметтік – құқықтық көмек көрсету, олардың қайта қылмыс әлеміне оралмауына ықпал жасау, қылмыстық істер жасауының алдын алып, сотталғандарды жұмыспен қамту, жұмыссыздық деңгейін қысқарту мақсатында бірлескен іс-шаралар ұйымдастыру, осы бағыттағы жұмыстарды жандандыру болып табылады.
А.КАБДЫКАЙЫРОВА,
аудандық пробация қызметі тобының инспекторы,
әділет капитаны
