Ел дамуының жаңа кезеңінде цифрлық трансформация басты басымдықтардың бірі екені белгілі.
Жолдауда көтерілген міндеттер – уақыт талабы және мемлекет дамуының стратегиялық бағыты. Бұл бағыт халықтың игілігі мен экономиканың өрлеуіне серпін береді деп сенеміз.
Ауданымызда да цифрландыру бағытында бірқатар жұмыстар жүзеге асырылуда: мемлекеттік қызметтерді электронды форматқа көшіру жалғасуда, білім беру мен денсаулық сақтау мекемелерінде ақпараттық жүйелер қолданысы артып келеді.
Сонымен қатар бизнеске арналған цифрлық сервистердің қолжетімділігі артып, кәсіпкерлер үшін жаңа мүмкіндіктер ашылуда.
Ауылдық елді мекендерде интернет инфрақұрылымын нығайту – басты міндеттердің бірі. Бұл тұрғындардың өмір сапасын көтеріп, жаңа білім мен технологияға жол ашады.
Жолдауда белгіленген мақсаттарды орындау – әрқайсымыздың ортақ жауапкершілігіміз. Цифрлық жаңғыру халықтың тұрмыс сапасын жақсартып, еліміздің дамуына жаңа қарқын беретініне сенімдіміз. Ауданымыз осы маңызды міндеттерді жүзеге асыруға өз үлесін қоса береді.
С.ЖАЙЛАШЕВ,
Аудандық ардагерлер кеңесінің төрағасы
