Қазіргі таңда жер ресурстары – еліміздің экономикалық дамуындағы маңызды стратегиялық ресурс. Осы салада тиімді басқару мен әділ реттеу жүйесін қалыптастыру мақсатында жер саласындағы мемлекеттік қызмет көрсету ерекше мәнге ие.
Мемлекеттік қызмет көрсету – бұл азаматтар мен заңды тұлғаларға мемлекеттік органдар тарапынан заңнамада белгіленген тәртіппен және мерзімдермен көрсетілетін қызмет түрлері. Жер саласына қатысты бұл қызметтер – жер учаскесін беру, оны пайдалану құқығын тіркеу, жерге қатысты ақпарат ұсыну, кадастрлық құжаттар әзірлеу және басқа да рәсімдерден тұрады.
Жер саласында көрсетілетін негізгі мемлекеттік қызметтерге мыналар жатады:
•Жер учаскесін жеке меншікке немесе жалға беру;
•Жер учаскелерінің нысаналы мақсатын өзгерту
•Жер учаскесінің жалдау мерзімін ұзарту
•Сауда саттықты (конкурстарды, аукциондарды) өткізуді талап етпейтін мемлекеттік меншігіндегі жер учаскелеріне құқықтар алу.
•Жер учаскесінің жеке меншікке ақысын бірден не бөліп төлеуге сату.
Жер – халқымыздың байлығы. Оны дұрыс пайдалану мен әділ бөлу – мемлекет жауапкершілігіндегі маңызды міндеттердің бірі. Осы орайда жер саласындағы мемлекеттік қызмет көрсету жүйесінің тиімді жұмыс істеуі – ел дамуы мен халықтың әл-ауқатының артуына тікелей әсер ететін фактор. Сол себепті бұл саладағы ашықтық, цифрландыру мен халыққа қолжетімділік басты басымдықтар болып қала береді.
Қ.ҚОСЖАНОВ
Махамбет ауылдық округі әкімі аппаратының бас маманы
