Ағымдағы жылдың 19-23 қазан аралығында мал ұрлығын ескерту, алдын алу және ашу, оларды жасаумен айналысатын тұлғаларды анықтау мақсатында "Мал ұрысы" жедел профилактикалық іс-шарасы өткізілуде.

Іс-шараны өткізу кезінде мамандандырылған жедел-тергеу топтары құрылып, аудан аумағында орналасқан сауда орталықтары және басқа да ет дүкендері мен мал сою орындары, сондай-ақ мал және мал етін тасымалдаушы автокөліктердің құжаттары тексерілуде.

Шараның бірінші күнінде Атырау-Орал тас жолында Газель автокөлігі тоқтатылып, 8 бас сиыр малын заңсыз әрі құжатсыз тасымалдағаны анықталып, Махамбет ауданы ветеринария қызметкерлері ҚР ӘҚБтК-нің 406 бабына сәйкес әкімшілік хаттама толтырып, 33 жастағы азаматқа 69 450 теңге айыппұл салынды.