Бүгін аудан әкімі Жәрдемғали Ахметов жеке мәселелері бойынша алдын ала жазылған тұрғындарды қабылдады.
Бұл аптадағы қабылдауға бас-аяғы 11-адам жазылса, оның 8-і тұрғын үй мәселесімен келіп отыр. Аталған адамдардың барлығы да тұрғын үй кезегіне тіркелген. Оларға баспана беру Қазақстан Республикасының «Тұрғын үй қатынастары туралы» Заңына сәйкес кезегімен берілетіні түсіндірілді.
Ал, жер жөніндегі өтініштерін айта келген азаматтарға аудандық жер қатынастары бөлімі мамандарына жолығу жөнінде кеңес берілді.
Қабылдауға жазылған Алмалы ауылының тұрғыны Рамиля Мұхитова көп балалы ана ретінде күні кеше баспанаға ие болған.
Көптен күткен қуанышқа кенелген ол аудан әкіміне және орынбасарларына шексіз рахметін айтып, алғысын жаудырды.
Б.Сапарова
