Бүгін төл теңгеміз шыққан күн. Сонау 1993 жылдың 15 қарашасы- ұлттық валюта-теңге күні болып белгіленді.
Әр мемлекеттің құрылу тарихында ұлттық валютасын енгізу тарихының алатын орны ерекше. Қазақстан теңгесі- зайырлы мемлекеттің міндетті символы болып табылады.
Ұлттық валюта және қаржы саласы қызметкерлерінің кәсіби мерекесіне орай аудан әкімі Ж.Ахметов бір топ қаржыгерлерді қабылдады.
Қаржыны мақсатты пайдалану, жүйелі бөлу-ауданымыздың үлкен жетістігі екенін айтқан аудан басшысы Ж.Бахуұлы тіршілікте экономиканың маңызды механизмі ретіндегі теңгенің мақсатты жұмсалуында қаржыгерлердің алатын еңбегі зор екенін айтып, атаулы күнмен құттықтады.
Теңге күнімен құттықтаған басқа да мамандар бұл мамандықтың оңай еместігін тілге тиек етіп, қаржыгерлерге толайым табыстар тіледі.
Өз тілшіміз
