Бақсай ауылдық округінің орталығы Таңдай ауылында Наурыз мерекесі атап өтілді.

Киіз үй тігіліп, тұрғындарға ақ дастархан жайылды. Ауыл әкімі, ауылдың ардақтылары мерекелік құттықтауларын жеткізді.

Шара барысында ұлттық ойындар да дәріптелді. Гір тасын көтеру, қол күресі, арқан тартыс, қой көтеруден, балалар арасында ешкінің төлін көтеруден сайыстар өтті. Бір қызығы, қол күресіне зейнет жасындағы аналар да қатысып, шараның көрігін қыздыра түсті. Қой көтеруде жеңімпаз атанған ауыл азаматы қойды өзімен бірге көтеріп әкетті.

Балаларға арналған айналмақтар, алтыбақан да құрылып, өнерпаздар әннен шашу шашты.

Қ.БАҒЫТ