Сауықтыру жәрдемақысы өндірілді

Талап қоюшы Т. сотқа талап арызбен жүгініп, онда ұжымдық шартта қарастырылған еңбек демалысына берілетін 2016-2018 жылдардағы сауықтыруға арналған жәрдемақыны мемлекеттік мекемеден өндіруді сұрады.

Іс материалдарынан тараптар арасында 2016-2018 жылдарға арналған ұжымдық шарт жасақталғаны, аталған шарт талаптарына сәйкес, еңбек демалысымен берілетін ай сайынғы лауазымдық еңбекақы мөлшерінде сауықтыруға арналған жәрдемақы төленуі көзделгені анықталды.

Сот отырысында талап қоюшы өзінің талап қою арызын қолдап, осы жылдар аралығында еңбек демалысында болғанын, алайда сауықтыру үшін жәрдемақы төленбегенін көрсетті, ал жауапкер өкілі талап арызды ішінара мойындап, 2017-2018 жылдарға сауықтыру жәрдемақысын өндіруге қарсылығы жоқ екенін, ал 2016 жылға сауықтыру жәрдемақысын өндіру туралы талабын ескіру мерзімін қолдану жөнінде өтініш білдірді.

Істі сотта қарау барысында талап қоюшымен талап қою мерзімін өткізіп алғаны өз дәлелін тапты, өз кезегінде талап қоюшы талап қою мерзімін дәлелді себептермен өткізіп алғанын растай алмады, ал бұл жағдай заңда көзделген тәртіппен соттың талаптан бас тарту туралы шешім шығаруына негіз бола алады.

Атырау облысы Махамбет аудандық сотының шешімімен талап қою арызы ішінара қанағаттандырылды. Талап қоюшының пайдасына мемлекеттік мекемеден 2017 жылға – 64 948 теңге, 2018 жылға – 46 543 теңге сауықтыру жәрдемақысы өндірілді, ал талаптың 2016 жылға сауықтыру жәрдемақысын өндіру туралы бөлігі қанағаттандырудан бас тартылды.

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика