Сарытоғай ауылында ерлі-зайыпты саумалды табыс көзіне айналдырып отыр

Сарытоғайлық Талап Қажимов пен Зәмзәгүл Жаңабаева 5 жылдан бері жылқы шаруашылығына бет бұрған. Қазір саумал сатуды отбасылық кәсіпке айналдырып, аудан халқының алғысына бөленіп келеді, деп хабарлайды Махамбет ауданы әкімдігінің баспасөз қызметі.
-1998-2008 жылдар аралығында Теңіз кен орнында монтаждаушы болып жұмыс істедім. Кейін жұмысты қойып, жылқы шаруашылығын қолға алдым. Түбегейлі көңіл бөлгенімнің нәтижесінде бір үйірді екі үйірге жеткіздім. Қазір үш сауын биені қолда ұстап отырмыз. Жылқыға қандай азық беру керегі туралы дұрыс білмей тұрып ат баптау, мал басын көбейту мүмкін емес. Бір қарағанда шөп берумен жұмыс біткен сияқты көрінуі мүмкін. Тоя жесін деп алдына үйіп-төкпей, оларға қажетті азықты өлшеп, есептеп беру керек. Жылқы үшін ең табиғи азық – шөп пен пішен. Жаңа орылған шөп болса тіпті нәрлене түседі. Жануар баптауыңа қарай сүт береді, деді Т.Қажимов.
 
310264116_5583798731673670_4537537522479190147_n
Саумал мен қымыз сатуды отбасы 2017 жылы бастаған. Қ.Қалыбеков атындағы Сарытоғай орта мектебінде биология пәнінен сабақ беретін Зәмзәгүл Жаңабаева алғашында саумал сату туралы мүлде ойламағандарын айтады.
-Енемнің ішкі құрылысы ауырып бастаған соң сол кісінің денсаулығы үшін бие сауып бастадым. Күнделікті үзбей ішкеннен кейін денсаулығы жақсарды. Содан бері 5 жыл бойына үзбей сауып келемін, жүздеген тұрақты клиент жинадық. Негізінен мамыр айынан бастап, қазанға дейін сауамын. Бір бие күніне 6-7 сауылады. Бір сауғанда 1 литр сүт береді. Саумалды әр адам диагнозы мен тәбетіне қарай әртүрлі мөлшерде ішеді. Қазір сұраныстың көбі қаладан болып тұр, деді З.Жаңабаева.
 
Отбасы ауылшаруашылығына мемлекеттен көрсетіліп жатқан қолдауды пайдалана отырып, болашақта үлкен бизнес ашуды қолға алмақ.

РЕСПУБЛИКА КҮНІ

2

Фотогалерея

Сұрақ Жауап

Жайық суын молайту үшін не істеу керек?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика