Ауылдың гүлденуі - еліміздің гүлденуі.

Осыны мақсат еткен Сарайшық ауылының әкімдігі ауылға кіреберіс қақпанының жанынан Жастар саябағының тұсауын кесті.

Салтанатты түрде лентасы қиылып, шашуы шашылып, арнайы ұйымдастырылған шараға ауыл ардагерлері, тұрғындар қатысты.

Сөз сөйлеушілер ауылда жасалып жатқан игілікті істердің көбейіп келе жатқандығына шексіз қуанышты екендіктерін, бұл тұрғыда әкімдіктің атқарып жатқан жұмысына оң бағасын берді.

Саябақтың лентасын ауылдың белсенді ардагерлері Рауль Тауыпов пен Қадим Сисенғалиев қиды. Саябақ әдемі брусчаткалармен әрленіп, жарық шамдар орнатылып, жас көшеттер отырғызылды.

"Сарайшық" жазуы да жаңа саябақтың көркін одан әрмен ашып тұрғандай. Алдағы уақытта бұл жер жастардың басы қосылып, мәдени шаралардың ұйытқысы боларына сеніміміз мол.

Қ.АЙТҚАЛИЕВ