Аудан әкімі Ж. Ахметов облыс әкімінің тапсырмасына орай әр айдың соңғы жұмасында, аудандық әкімдіктің кіші мәжіліс залында, барлық бөлім басшыларымен бірлесіп «Ашық есік» күнін өткізіп, халықтың мұқтаждығын тыңдауды дәстүрге айналдырып келеді.
«Ашық есік» күніне келетін ауыл халқы негізінен баспана, жұмыссыздық және атаулы әлеуметтік көмек мәселелерін алға тартады. Өткен жұмада өткізілген кезекті «Ашық есік» күнінде тұрғындар тікелей желі арқылы аудан басшысына «жаңадан салынып жатқан 60 пәтерлік үй кімдерге беріледі?» деген сұрақ қойды. Бұл сұраққа жауап берген аудан басшысы бүгінгі таңда аудан бойынша 800-ден астам адам тұрғын үй кезегінде тұрғанын, барлығы ашық түрде, кезегі келіп тұрған адамға берілетінін айтты.
-Бұған қоса мемлекет тарапынан көрсетіліп жатқан қолдаудың нәтижесінде, салынып жатқан 60 пәтерлік үйден бөлек, көп балалы аналар үшін арнайы үйлер сатып алуды жоспарлап отырмыз. Бұл ауданымыздағы баспана мәселесін біртіндеп шешуге мүмкіндік береді, – деді Ж.Бахуұлы.
Б.Сүйеуова
