Қазақстан Республикасының Рәміздері күніне орай Махамбет ауданының орталық алаңында мерекелік іс-шара өтті.

Облыстық Ішкі саясат басқармасы мен «Алаш мәдениеті» қоғамдық қоры ұйымдастырған «Мемлекеттік рәміздер – елдігіміздің айғағы, халқымыздың мәртебесі» атты эстафетасы да біздің ауданымыздан жалғасын тауып, Атырау қаласына жолданды.

Қазақстан Республикасының мемлекеттік Туы салтанатты түрде алаңға кіргізіліп, Әнұран шырқалып, шараның құттықтау сөзі аудан әкімінің орынбасары Сейтқалиев Мардан Жұмахметұлына жолданды.

-Мемлекеттік рәміздер елдігіміздің, тәуелсіздігіміздің, егемендігіміздің айғағы, ұлтымыздың нышаны, теңдігіміздің теңдесі жоқ бейнесі деп,- өз сөзін аяқтаған аудан әкімінің орынбасары рәміздерімізді дәріптеу мен құрметтеу бәріміздің ортақ парызымыз екендігін нақты айтты. Салтанатты шара Еламан Ғафуров, Жантөре Жұмабаев сынды аудан өнерпаздарының мерекелік ән-шашуымен аяқталды.