Қоғамдық орында абайлап сөйлеңіз.
Махамбет аудандық сотында Қазақстан Республикасының ӘҚБтК-нің 434-бабының 1-бөлігінде азамат А-ға қатысты әкімшілік іс қаралды. Іс-құжаттарында, құқық бұзушы А. өзінің танысы жәбірленуші Л-ны боқтап балағаттап, ар намысына тиетін сөздер айтып, яғни қоғамдық орында былапыт сөйлеп, айналасына сыйламаушылық білдіріп, ұсақ бұзақылық жасаған.
Сот отырысында «WhatsApp»-желісі арқылы байланысқа шыққан А. өзінің кінәсін мойындап, жасаған іс-әрекетіне өкінетінін, алдағы уақытта қайталамайтыны туралы жауап берсе, жәбірленуші Л. өз айғағында құқық бұзушы А-ға кешірім беретінін айтып көрсеткен.
Сот қаулысымен Қазақстан Республикасының Кодексінің 434-бабының 1-бөлігінде көзделген әкімшілік құқық бұзушылық жасағаны бойынша А. кінәлі деп танылып, оған 9 723 теңге айыппұл салу түріндегі әкімшілік жаза қолданылды.
Сот қаулысы заңды күшіне енген жоқ.
Аудандық соттың баспасөз қызметі
Сурет:дереккөз
