Жақында Талдыкөл орта мектебінде «Қарттарын қадірлеген ел құрметті» атты кездесу кеші ұйымдастырылды.

Оны 8-10 сынып жетекшілері А.Кайдарова, Ұ.Бөтпенова өткізді. Бұл кешке өз ойымен бөлісіп, ақыл-кеңесін айтуға қонаққа ауылымыздың зейнеткер аталары мен ақ жаулықты аналарымыз келді.

Кеш қонақтарына арнап, оқушылар өз өнерлерін көрсетуден аянбады. Тәрбиелік мәні бар «Қызым саған айтам, келінім сен тыңда!» атты қойылым кештің сәнін кіргізді. Кездесуге келген қариялар мен ардагер ұстазымыз А.Сырлыбаева да өз ойларын ортаға салды.

Мектебіміздің кәсіподақ ұйымының төрайымы Г.Хайруллақызы қарттар мерекесімен құттықтай отырып, кәсіподақ ұйымының атынан сыйлықтар табыстады. Кеш соңында қонағымыз Отарғали аға оқушыларға арнап бата берді.

Қарт кісіні құт-береке деп танысақ, ол ұрпақ көрегендігі демекші, ұрпағымыз қарттарымызды қадірлеуді ұмытпай, әрқашан аялы алақандарына салып, бар жылуды аямай мәпелесе дейміз.

Өз тілшіміз