Есбол ауылдық мәдениет үйінде орналасқан №232 референдум учаскесінде бүгін жұмыс ертемен қызды. Өз таңдауын білдіруге асыққан көпшілік учаскеге қарай әлі де ағылуда.
Жүздерінен ел ертеңіне деген үміт оты ұшқындап тұрған сайлаушылар арасынан осы учаскеге ерте келіп, таңдауын үшінші болып білдіргендердің қатарында зейнеткер, ерлі-зайыпты Светқали Меңдіғалиев пен Тілектес Еменова да бар.
- Үлкен өзгерістер алдында тұрған мемлекетіміз үшін референдумның қаншалықты маңызды екенін жақсы білесіздер. Елдің кемел болашағы үшін бүгін дұрыс таңдау жасадық деп ойлаймыз. Бұл ортақ іс, оған жауапкершілікпен қарағанымыз абзал. Еліміз өркендей берсін. Жұртымыз аман, тәуелсіздігіміз баянды болсын—деген тілегін білдірген С.Меңдіғалиевке комиссия төрағасы Ержан Қозыекешов ең бағалы сыйлық кітап тарту етті.
Аталмыш учаскеге тіркелген барлық сайлаушылар саны 432 болса, оның 6-уы 18-де. Үйден дауыс бергендер саны 11.
Б.Сапарова.
