№217 сайлау учаскесіне әйелдер арасында армрестлингтен бірнеше дүркін Азия және Әлем чемпионы Рахия Молдашева келіп дауыс берді.
- Сайлау учаскесіне келіп еліміздің болашағы үшін өз таңдауымды жасадым. Бұл тарихта қалар маңызды күн. Ел болашағы шешілетін күнді әрбір тұрғын асыға күтеді деп білемін. Сондықтан мұндай сәтке бей-жай қарамай, жауапкершілікпен дауыс бергеніміз жөн. Референдум учаскесіне келіп жатқан халықтың көңіл-күйі жақсы. Комиссия мүшелері де жылы шыраймен қарсы алып, әрбір сайлаушыға алғыстарын айтуда, - дейді ардагер спортшы.
Иә, халық таңдауымен таразыланатын бұл сында әрбір азаматтың дауысы маңызды.
Б.Сапарова
