Атырау облысы Білім беру басқармасы басшысының орынбасары Айнагүл Байғанинқызы Дюсекенова ауданға қарасты Қосарал орта мектебі, Е.Ағелеуов атындағы Махамбет орта мектебі, Жалғансай орта мектебі, Д.Төленов атындағы мектеп-гимназиясы, Қ.Ахмедияров атындағы орта мектептері директорларын құттықтап, алғыс хаттарды табыс етті.
Айнагүл Байғанинқызы облыс көрсеткішінің негізін Махамбет ауданының 5 мектебі алға сүйреп, "Күнделік.kz" электрондық журналы бойынша І тоқсан бойы облыстық Әдістемелік орталық жүргізген рейтингте көш бастаған, яғни республикалық рейтингіде көтерілуге елеулі үлес қосқан да атап өтті.
Сонымен қатар облыстық білім саласының көшбасшылары, жеке ой-пікірлерімен, азаматтық ұстанымдарымен дараланып жүрген мектеп басшылары дебат турнирінде бақ сынасты. Жоба барысында облыс бойынша 48 білім беру ұйымының басшысы сөз сайысқа түсті. Ауданымыздан қатысқан Ақтоғай орта мектебінің директоры Ізғали Жоламан І орын, О.Шонаев атындағы орта мектебінің директоры Жанаргүл Дүйсенғалиева ІІІ орын иеленді.
Құттықтаймыз! Жоғары белестерден көріне беріңіздер!
«Жайық-Ақпарат»
