Махамбет аудандық сотының үкімімен ҚК-нің 346-бабының 1-бөлігімен, яғни көлік басқару құқығынан айырылған адам бола тұра, алкогольдік​ масаң күйде көлік құралын басқарғаны бойынша К. кінәлі деп танылды.

Сотпен анықталғаны:

К. алкогольді масаң күйде көлік құралын басқарғаны үшін көлік құралын басқару құқығынан айырыла тұра, «Ваз 21144» маркалы автокөлігін, 2021 жылғы 28 шілдеде сағат 11.20 шамасында Атырау-Индер тас жолының 67-ші шақырым тұсында «орта»​ дәрежедегі алкогольдік масаң күйінде басқарған.

Сот жаза тағайындағанда Қ-ның кінәсін мойындап өкінгенін, жауаптылығы мен жазасын жеңілдететін мән-жайлар ретінде, ал ауырлататын мән-жайлардың жоғын, аталған қылмыстың сипаты мен қоғамдық қауіптілігін ескеріп, Қ-ға көлік құралын жүргізу құқығынан өмір бойына айырумен, 6 ай мерзімге бас бостандығынан айыру жазасы тағайындалды.

Жаза өтеу орны қылмыстық атқару жүйесінің қауіпсіздігі барынша төмен мекемесінде өтеу белгіленді.

​

Үкім заңды күшіне енді.

Махамбет аудандық сотының баспасөз қызметі