Ұлыстың ұлы күні - Наурыз мерекесі қарсаңында Махамбет ауданы әкімінің қолдауымен, жастар ресурстық орталығының ұйымдастыруымен «Қазақ ауыл» шарасы өтті.

Шараның мақсаты - жастарға салт-дәстүрлерді үйретіп, кейінгі жас ұрпаққа насихаттау. Аудан жастарынан бөлек, Атырау қалалық жастар орталығының да белсенділері шараға арнайы қатысты.

«Қазақ ауыл» шарасында киіз үй тігіліп, қой сойылды. Тұсаукесер, бесікке салу, асату сынды дәстүрлер насихатталды. Сондай-ақ қазақтың ұлттық ойындары - асық ату, ләңгі, садақ ату ойнатылып,  жастарға көтеріңкі көңіл күй сыйланды. Алтыбақан  құрылып, өнерпаздар әннен шашу шашты.

Қ.БАҒЫТ