Махамбет ауданы Алмалы селолық округіне қарасты Береке ауылындағы ауылішілік жолдарды күрделі жөндеу жұмыстары басталды.
42 көшедегі 19,3 шақырымды құрайтын жөндеу жұмыстары 24 айға созылады. Жол құрылысы жұмыстарының сапасын "Жол активтерінің ұлттық сапа орталығы" РМК Атырау облыстық филиалының мамандары тексереді.
Ал кезекті тексеру жұмыстары "Сапалы жол" аясында "Атырау - адалдық алаңы" жобалық кеңсесі және мердігер "Атырауинжстрой-АИС" ЖШС өкілдерінің қатысуымен өткен.
Филиал инженері Қ.Шортабаев керноотборник құрылғысымен керн кескіндерін алып, сәйкестігі өлшенген. Кемшіліктер анықталмаған.
«Жайық-Ақпарат»
