3-5 ақпан күндері Махамбет Өтемісұлының 220 жылдығына орай волейболдан 2006-2007 жылы туған жасөспірім қыздар арасында облыстық ашық турнир өтті.
Махамбет аудандық ішкі саясат, мәдениет, тілдерді дамыту және спорт бөлімінің ұйымдастыруымен өткен жарысқа 9 команда қатысты.
Тартысқа толы өткен турнирдің бірінші орнын Махамбет аудандық балалар-жасөспірімдер спорт мектебінің командасы жеңіп алды.
Екінші орын "Атырау балалар-жасөспірімдер спорт мектебі" командасына бұйырса, "Қаратон балалар-жасөспірімдер спорт мектебі" командасы үшінші орынға ие болды.
"Үздік байланыстырушы" - Ақшолпан Оңғарбаева (Атырау балалар-жасөспірімдер спорт мектебі);
"Үздік шабуылшы" - Аружан Ардаққызы (Қаратон балалар-жасөспірімдер спорт мектебі);
"Үздік ойыншы" - Ақбота Изтелеуова (Махамбет аудандық балалар-жасөспірімдер спорт мектебі).
Жарыс жеңімпаздары мен жүлдегерлері аудандық ішкі саясат, мәдениет, тілдерді дамыту және спорт бөлімінің кубок, медаль, дипломдарымен марапатталды.
Қ.БАҒЫТ
