Махамбет ауданында Ахмет Байтұрсынұлының мерейтойына арналған әдеби-танымдық кеш өтті

Қазақстан халқы тілдері мерекесіне орай Ахмет Байтұрсынұлының өмірі мен шығармашылығына арналған «Ұлттың ұлы ұстазы» атты әдеби-танымдық кеш өтті. Аудандық «Өнерпаз» мәдениет үйінің режиссері Элеонора Пайзуллаеваның ұйымдастыруымен телевизиялық бағдарламаның баламасы ретінде өткізілген шарада қазақ халқының тағдыры мен тілі үшін күрескен Алаш арысының өмір жолы айтылды.

«Ұлттың сақталуына да, жоғалуына да себеп болатын нәрсенің қуаттысы – тіл» деп ұлағатты сөз қалдырған, көрнекті қоғам қайраткері, көсемсөз шебері, әдебиет зерттеуші, тюрколог, дарынды ақын, аудармашы Ахмет Байтұрсынұлының 150 жылдығына орай өткізілген шара форматының ерекшелігімен, кеш жүргізушісінің ақын жөніндегі тың мәліметтерді жинақы беруімен есте қалды.

8edc997c-b8b2-4d40-ae58-b69a808c0f92

Кеш қонағы, Д.Төленов атындағы мектеп-гимназияның қазақ тілі мен әдебиеті пәнінің зерттеуші мұғалімі Лиза Қайырғали ғалымның тіл білімі саласындағы ерен еңбегі туралы тереңірек тарқатып берді. Ахмет Байтұрсыновтай ұлы тұлғалар күресіп өткен қазақ тілінің бүгінгі жағдайы, жастар арасында жаргон сөздердің көп қолданылуы, тіл тазалығын сақтау турасында өз ойын білдірген «Жайық шұғыласы» газетінің тілшісі Қ.Айтқалиев пен «Өнерпаз» мәдениет үйінің қызметкерлері Ж.Қадыржанқызы, Д.Ғасырбек, М.Сүндетқалиевтер арасында пікірталас ұйымдастырылды.

5c3e64dd-bfe4-4dea-b3a9-5d32cdbef43f

«Туған тіліміздің келешегі мен келер ұрпаққа саф алмастай таза күйінде жетуі – сіз бен біздің қолымызда» деп қорытындыланған әдеби-танымдық кешке қатысқан аудандық ішкі саясат, мәдениет, тілдерді дамыту және спорт бөлімінің басшысы А.Қайырғалиев 5-қыркүйек – Қазақстан халқы тілдері күнімен, Ахаңның мерейтойымен жиналғандарды құттықтап, бір топ тіл жанашырына аудан әкімінің алғыс хатын табыстады.

c0e949d5-cbe3-417a-9205-1d8f708cd757

Әдеби-танымдық кеште ақынның «Маса», «Қазақ қалпы», «Егіннің бастары», «Жұртыма» өлеңдері оқылып, көрерменге ерекше көңіл-күй сыйлады.

 

Қазбек АЙТҚАЛИЕВ

ЕЛБАСЫ КІТАПХАНАСЫ

biblioteka-pervogo-prezidenta-kz

Фотогалерея

Референдум

referendum-banner-1

Сұрақ Жауап

Жайық суын молайту үшін не істеу керек?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика