Мектеп жасына дейінгі балаларды тілдік қарым-қатынасқа, ауызекі сөйлей білуге дағдыландыру бұл балабақшадан басталады.
Жақында «Балдырған» бөбекжайындағы ІІ – ші кіші тобының тәрбиешісі Маржан Өтешқалиеваның ұйымдастыруымен балалар өз бетімен «Мақта қыз бен мысық» ертегісін сахналады. Онда өздері күнделікті үйреніп жүрген ертегілерін мазмұнға сай, рөлдерге бөліп, сөздерін анық айтып, кейіпкерлерге еніп, қойылымды бастан аяқ алып шықты. Балаларының өнеріне куә болған ата-аналар риза болып, тәрбиешіге алғыстарын білдірді.
Шара соңында әдіскер Г.Орынбасарқызы балаларды шығармашыл қабілетіне қарай Алғыс хатпен марапаттады.
Гүлім Алимбетова,
ата-ана,
Бейбарыс ауылы.
