Аудан орталығындағы «Жастар» алаңында отбасы күніне орай «Әкем, шешем және мен» атты спорттық сайыс өткізілді. Оған аудан бойынша 8 команда қатысты. Командалар баскетбол добымен эстафеталық жарыс, футбол добымен фишкалардың арасынан өту, арқан тартыс және басқа да аралас спорт түрлерінен сынға түсті. Сайыс нәтижесінде сарытоғайлық Б.Нығметовтер ІІІ орынға, ақтоғайлық Е.Сақтаповтар ІІорынға, махамбеттік А.Ерғаливтер отбасы І орынға ие болды. Жеңімпаз командалар аудан әкімінің алғыс хатымен және ескерткіш сыйлықтармен марапатталды. Б.Сүйеуова.