Президент Қасым-Жомарт Тоқаев Жолдауында елімізге шетелдік және отандық инвестиция тартуды жандандыру қажеттігін атап өтті. Қазіргі таңда әлемдік деңгейде инвестиция үшін бәсеке күшейіп келе жатқанын ескерсек, жаңа экономикалық мүмкіндіктерді дер кезінде пайдалану – уақыт талабы.
Махамбет ауданы да осы бағыттағы жұмысты нығайтып, инвесторларға қолайлы жағдай жасауға мүдделі. Ауыл шаруашылығы, өнеркәсіп, кәсіпкерлікті дамыту, инфрақұрылымды жетілдіру – әлеуетіміз зор бағыттар. Инвестициялық жобаларды жүзеге асыру ауданға жаңа жұмыс орындарын ашуға, тұрғындардың әл-ауқатын арттыруға үлкен серпін береді.
Мемлекет басшысы белгілеген міндеттер – өңірлердің ілгерілеуіне бағытталған нақты бағдар. Сондықтан Жолдаудан туындайтын тапсырмаларды жүйелі түрде орындап, аудан экономикасын жаңа белестерге шығару жолында табанды жұмыс жүргізілу керек деп ойлаймын
Ж.Жоламанова,
Аудан тұрғыны
