Бүгін мен сіздерге Қазақстан Республикасының Президенті Қасым-Жомарт Тоқаевтың соңғы Жолдауында айтылған тұрғын үй-коммуналдық шаруашылығы саласына қатысты жаңа бағыттар мен реформалар туралы баяндама ұсынғым келеді.
Бүгін мен сіздерге Қазақстан Республикасының Президенті Қасым-Жомарт Тоқаевтың соңғы Жолдауында айтылған тұрғын үй-коммуналдық шаруашылығы саласына қатысты жаңа бағыттар мен реформалар туралы баяндама ұсынғым келеді.
ТКШ – халықтың күнделікті тұрмыс-тіршілігіне тікелей әсер ететін, өмір сапасының басты көрсеткіші саналатын маңызды сала. Бұл жүйенің тиімділігі – мемлекет дамуы мен азаматтардың әл-ауқатына тікелей байланысты.
Мемлекет басшысы өз Жолдауында коммуналдық қызметтердің сапасын арттыру, инженерлік инфрақұрылымды жаңғырту, энергия үнемдеу технологияларын енгізу мәселелеріне айрықша тоқталды. Сонымен қатар тұрғындардың әлеуметтік жағдайына қарай тариф саясатын жетілдіру, аймақтардағы ескірген жүйелерді жаңарту – алдағы жылдары басымдық берілетін бағыттардың бірі болмақ.
Бұл реформалар ауылдық және қалалық жерлердің арасындағы инфрақұрылымдық теңсіздікті азайтуға, азаматтардың тұрмыс жағдайын жақсартуға мүмкіндік береді. Әсіресе, таза ауызсу, жылу мен электр қуатының үздіксіз берілуі – әр отбасының өмір сапасын арттыратын басты фактор.
Қорыта айтқанда, тұрғын үй-коммуналдық шаруашылығын дамыту – тек бір саланың ғана емес, тұтас ел экономикасының өркендеуіне ықпал ететін стратегиялық қадам. Президент айқындаған жаңа міндеттерді орындау – баршамыздың ортақ парызымыз.
Р.Тәжбентаев
Махамбет аудандық тұрғын үй-коммуналдық шаруашылығы,
жолаушылар көлігі және автомобиль жолдары бөлімінің бас маманы
