Ауыл тазалығы – халық айнасы.
Бүгін «Бұл менің қоқысым емес, бірақ бұл менің ауданым!»-деген ұранмен “Western Construction Team” ЖШС-і мекемесі мен Махамбет Жастар Ресурстық орталығы бірлесіп, аудан орталығында орналасқан “Жасыл белдеу” бақтарын қоқыстардан тазарту жұмыстарын жасады.
-Қоршаған ортаны таза ұстау әр адамның міндеті.Махамбет ауылдық округі әкімшілік тарапынан бастаған топ және 30-ға жуық жастардың қолдауымен жасыл белдеуді тазалап, шамамен 5-6 кубадай бір трактордың жалғамасы тола қоқыс шығарылды. Бұл іс-шара әлі де жалғасады. Жастарға рахмет. Алдағы уақытта бірлесіп жұмыс жасаймыз деген үміттеміз,- дейді “Western Construction Team” ЖШС-і мекеме басшысы Ибатолла Бағытжанұлы.
Кенже САПАР
