Махамбет ауданы полиция бөлімі Мемлекет басшысының "Сындарлы қоғамдық диалог - Қазақстанның тұрақтылығы мен өркендеуінің негізі" атты Жолдауынан туындайтын тапсырмаларды іске асыруға бағытталған Ішкі істер министрінің нұсқауына сәйкес табиғат заңнамасы мен экологиялық нормаларды сақтауға бағытталған "Таза Қазақстан" жедел-профилактикалық іс-шарасын өткізуде.

Оның негізгі мақсаты - қоғамдық тәртіп пен қауіпсіздікті қамтамасыз ету, экологиялық құқық бұзушылықтардың алдын алу, сондай-ақ мүдделі органдармен бірлесіп, адамдар көп жиналатын жерлерді, атап айтқанда, аудан аумағындағы Жайық өзені жағалауларына, демалыс орындарына рейдтік іс-шаралар жүргізу болып табылады.

Шара барысында Жайық жағалауында карантиндік шектеулерді ескермей, сондай-ақ белгіленбеген жерлерде суға түсіп жүрген ересектер мен жасөспірімдерді анықтап, оларға ҚР ӘҚБтК-нің 364 бабы бойынша - 19;

масаң күйде суға түсу, қоғамдық орындарға масаң күйде келгендері үшін - 7;

ҚР ӘҚБтК-нің 505 бабы бойынша абаттандыру ережелерін бұзғаны үшін - 11;

ҚР ӘҚБтК-нің 204 бабы бойынша белгіленбеген орындарда сауда жасағаны үшін - 1;

ҚР ӘҚБтК-нің 434-2 бабы бойынша жалпы пайдалану орындарын ластағаны үшін - 1 әкімшілік хаттамалар толтырылды.

Экологиялық құқық бұзушылықтарды анықтауға және жолын кесуге бағытталған "Таза Қазақстан" жедел-профилактикалық іс-шарасы ағымдағы жылдың 30 тамызына дейін жалғасады.

Б.Арыстанбаев,

аудандық полиция бөлімі жергілікті полиция қызметі бөлімшесінің бастығы,

полиция подполковнигі