Бүгін ауданда бірмандаттық аумақтық сайлау округі бойынша шығып қалған аудандық мәслихаты депутатының орнына сайлауы таңғы сағат 7:00-де басталды.
Сайлау №1 округтік сайлау комиссиясына қарасты №215 "Өнерпаз" мәдениет үйі ғимаратында және №216 "Махамбет балалар және жасөспірімдер спорт мектебінде орналасқан сайлау учаскелерінде өтіп жатыр.
Аудан бойынша аталған сайлау учаскелерінде 2406 сайлаушы бар. №215 сайлау учаскесінде 1357, ал №216 сайлау учаскесінде 1049 сайлаушы тіркелген.
Сайлау барысын байқаушылар «JARQYN BOLASHAQ» жастар қоғамдық бірлестігі және «Ер Жүректілер» қоғамдық қоры жүргізуде. Сонымен қатар, сайлаудың өту барысын кандидаттардың сенімді өкілдері байқауға құқықтары бар.
Б.Сапарова
