banner_damu

Ашық есік күні өтеді

2021 жылдың 24 қыркүйегінде БЖЗҚ АҚ «Ашық есік күнін» өткізеді.

Қазіргі уақытта барлық зейнетақы жүйесін дамытудың маңызды міндеттерінің бірі зейнетақыны жоспарлау болып табылады. Жасыратыны жоқ, қазір 25 жасқа толмаған жастар өздерінің қарттық шағы туралы сирек ойланады. Алайда уақыт өте тез өтеді. Сондықтан болашақта өз келешегіңіз үшін салған инвестицияның пайдасын көру үшін зейнетақыңызды жастайыңыздан жоспарлау қажет. Биылғы жылы Қазақстанның жинақтаушы зейнетақы жүйесі өзінің жиырма үшінші туған күнін атап өтуде. Осы уақыт ішінде еліміздің жаңа азаматтарының тұтас ұрпағы дүниеге келіп, өсіп-өнуде. Олардың әрқайсысы жақын арада зейнетақы жүйесінің қатысушысы болуға дайындалуда немесе қазірдің өзінде қатысушысы болып үлгерген.

Жастар енді ортақ төлемдерді алмайтын болады. Десек те, олардың болашақта ата-аналарына немесе ата-әжелеріне қарағанда лайықты зейнетақы алуларына мүмкіндіктері бар. Қазіргі жастар жинақтаушы зейнетақы жүйесінің толық цикліне қатыса алады. Ол – 40 жыл және одан жоғары уақыт. Бүгінгі студенттер, ертеңгі жас мамандар үшін тұрақты жарналар аударумен қатар жұмыс берушімен жасалатын еңбек шарты және ресми жалақы өздерінің болашақта табысқа жетулерінің кепілі екенін білу маңызды. Іс-шара барысында оған қатысушылар «зейнетақы калькуляторының» көмегімен, жеке мысал арқылы келешек қарттыққа бүгінгі күннің өзінде қалай әсер етуге болатынына көз жеткізе алады. Жастардың үйден шықпай-ақ, іс-шара тақырыбы бойынша ғана емес, зейнетақы жүйесі мен жеке зейнетақы жинақтарына қатысты өзге де сұрақтарға жауап алуға мүмкіндіктері болады. Колледж, жоғары оқу орындарының студенттерін және жастарды біздің іс-шарамызға шақырамыз! Ешкім де жалықпайтын болады!

Естеріңізге сала кетейік, «Ашық есік күні» онлайн-форматта 24 қыркүйекте сағат 10-00 өтеді. Іс-шараға қатысу үшін тіркелу қажет.

Әр қатысушыға сілтеме https://enpf.webex.com/enpf/onstage/g.php?MTID=e38790bd5c4fc91fa93af9264ad1cf168 бойынша өту керек.

Содан кейін event-мәжіліс нөмірін 2512 484 2131 және event-мәжіліс паролін 123456 енгізіңіз. «БЖЗҚ» АҚ өз салымшылары мен алушыларын, барлық ниет білдірушілерді «Ашық есік күнінде» асыға күтеді!

ЕЛБАСЫ КІТАПХАНАСЫ

biblioteka-pervogo-prezidenta-kz

Фотогалерея

Сұрақ Жауап

Жайық суын молайту үшін не істеу керек?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

© 2018 Жайық Шұғыласы газеті. Барлық құқық қорғалған. Материалдарды рұқсатсыз көшіруге қатаң тыйым салынады.
Меншік иесі: "Атырау-Ақпарат" ЖШС.
Махамбет селосы, Абай көшесі 10.
тел. 2-11-34, 2-13-49
Факс: 2-11-34
Адрес электронной почты защищен от спам-ботов. Для просмотра адреса в вашем браузере должен быть включен Javascript.

 

ZERO.kz

Яндекс.Метрика