Бүгін «Жайық шұғыласы» редакциясына ең алғашқы болып Махамбет ауданының Құрметті азаматы, ардагер Мәндірғали Оразғалиев келіп, журналистерді кәсіби мерекесімен құттықтады.
- Өзіндік тарихы мен өзгеге ұқсамайтын дәстүрі қалыптасқан, айтар ойы мен шертер шежіресі бар, аудандағы ұлттық өнер мен мәдениеттің насихатшысы болып келе жатқан «Жайық шұғыласы» газетінің ұжымын бүгінгі баспасөз күнімен шын жүректен құттықтаймын! Денсаулықтарыңыз мықты болсын! Әрқайсысыңыздың шаңырағыңыз қуанышты сәттер мен шаттыққа толы болғай, қаламдарыңыз ұштала берсін, шығармашылық табыс тілеймін! –деді ол.
Өз кезегінде аудандық басылымның бас редакторы Б.Сүйеуова да мерекеде алғаш рет құттықтап келген ардагерге алғысын айтты.
К.САПАРҚЫЗЫ
