Ауданымыздың төл басылымы «Жайық шұғыласы» газеті аудандағы айшықты жаңалықтарды халыққа жеткізуде үздіксіз жұмыс істеп келеді.
Бүгінде ауданның айнасына айналған басылымға екінші жартыжылдыққа балама жазылу науқаны жүріп жатыр. Туған жерінің тыныс-тіршілігін хабардар болу мақсатында аудандық «Өнерпаз» мәдениет үйі ұжымы да ұйымшылдықпен «Жайық шұғыласы» газетіне жазылып, жаңалық жаршысының таралымына септігімізді тигіздік.
Газетте әртүрлі тақырыптар, әдеби шығармалар, атаулы күндерге орай арнаулы беттер тұрақты түрде жарияланып келеді. Басылымның алдыңғы санында мәдениет және өнер қызметкерлері күніне байланысты сыр-сұхбаттар мен естеліктер жарық көрді. Жалпы оқырманның рухани азығы болып есептелетін басылымның тұрақты оқырмандарының саны көбейсін дейміз.
Серік ҚОЙШЫҒҰЛОВ,
аудандық «Өнерпаз» мәдениет үйінің директоры
