Алға ауылында жаңа балабақша салынады

Махамбет ауданында балабақша кезегінде 1-6 жас аралығындағы  415  бала тұр, деп хабарлайды Атырау облысының өңірлік коммуникациялар қызметі.

Бұл туралы аудан әкімі Ринат Жанқылыш онлайн брифингте мәлімдеді.

- Кезектегі балалар санын азайту мақсатында Алға ауылынан 160 орындық жаңа балабақша ғимараты құрылысының жобалық сметалық құжаттамасы  жасақталып, мемлекеттік сараптамадан өтті. Жобаның құны – 684,8 млн. теңге. Қажетті қаражатқа сұраныс берілді, - деді аудан әкімі.