Бүгін еліміз үшін ең маңызды күн. Ел тарихында екінші рет Республикалық референдум өткелі отыр.219 сайлау учаскесі таңғы сағат 07.00-де өз жұмысын бастады. Әнұранмен ашылған салтанатты сәтте референдум учаскесінің төрағасы Г.Неталиева сайлаушыларды бүгінгі ерекше күнмен құттықтап, сәттілік тіледі.
-Бұл референдумның өзгешелігі Ата Заңымызға енгізілетін өзгерістер халықтың тікелей атсалысуымен жүзеге асырылады-деді ол.
Жәшікке алғашқы болып бюллетень салып, өз дауысын берген 19 жасар Айдамир Батанов, референдум өтіп жатқан Е.Агелеуов атындағы Махамбет орта мектебінің түлегі екен.
- Референдумға келместен бұрын оның мақсатымен таныстым. Елімізде орын алғалы отырған өзгерістерге, ендігі жерде халықтың тікелей араласатыны ұнады. Сондықтан да алғашқы болып келіп өз дауысымды бердім. Менің дауысымның маңыздылығына сенімдімін -дейді алғашқы сайлаушы.
Референдум учаскесінің төрағасы Г.Неталиева алғашқы сайлаушыға Қазақ елінің дамуына үлес қосатын білімді де жан-жақты жастар екенін айтып сыйлыққа кітап ұсынды.
Сағат 07.30-ға дейін 219 референдум учаскесіне 7 адам келіп дауыс берді.
