Сыбайлас жемқорлық – қоғамның дамуына үлкен кедергі келтіретін қауіпті құбылыс. Ол билік пен қызметтің жеке пайда үшін теріс пайдаланылуынан туындайды. Мұндай әрекет әділдікке нұқсан келтіріп, халықтың мемлекетке деген сенімін әлсіретеді.
Сыбайлас жемқорлықтың салдары өте ауыр. Ол экономиканың дамуын тежеп, білім мен денсаулық сақтау сияқты маңызды салалардың сапасын төмендетеді. Адал еңбек еткен адам емес, пара берген адам алға шыққан қоғамда теңсіздік пайда болады. Сонымен қатар, жемқорлық жастардың болашаққа деген сенімін азайтып, заңды құрметтемеуге үйретуі мүмкін. Сондықтан бұл дертпен күресу әр азаматтың міндеті. Заңның үстемдігі, ашықтық және адалдық – жемқорлықты жоюдың басты жолдары.
Сыбайлас жемқорлыққа қарсы күрес тек мемлекетке емес, бүкіл қоғамға ортақ іс. Әр адам өз ісіне жауапкершілікпен қарап, адалдықты өмірлік қағидасына айналдырса ғана әділетті әрі дамыған қоғам құра аламыз. Жемқорлықсыз қоғам – жарқын болашақтың кепілі.
Г.СӘДУАҚАС
