Ауданымызда «Біз Біргеміз» акциясы жоғары қарқынмен жалғасуда.
Соңғы жылдары елімізде түрлі қайырымдылық бағыттағы жобалар мен акцияларды қолдап, өмірлік мақсат еткен жомарт жандар саны артып келеді. «Жақсының жақсылығын айт, нұры тасысын», демекші, оларға ақпараттық қолдау білдіріп, демеп отырудың маңызы зор. Себебі, халқымыз мұқтаж адамға көмек көрсетіп, қайырымдылық жасауды, қарттарды аялауды, мүгедектерді қолдап-қорғауды әрбір адамның адамгершілік борышы деп есептейді.
Осындай игі істі, ізгі жолда жүрген жандардың бірі "Ө. Жанбалаев" шаруа қожалығы Жалғансай ауылының әр отбасына 10 келіден 23 жанұяға түйе етін таратып, қайырымдылық көмегін көрсетті.
«Қайырымдылық жасасаң, қайырын өзің көрерсің», дейді дана халқымыз. Қамшының сабындай қысқа өмірде шама-шарқың келгенше аялы алақан мен жан жылуын аңсайтын жандарға қол ұшын бергенге не жетсін.
К.Сапар
Сурет:дереккөз
