Елордада өтіп жатқан күрес түрлерінен әлем чемпионатында 77 келідегі Асхат Ділмұхамедов 2 дүркін олимпиада, 2 дүркін әлем, 4 дүркін Еуропа чемпионы ресейлік Роман Власовты күтпеген жерден жеңіп кетті.
Қорытынды есеп - 3:0. Айта кетейік, Қазақстан астанасында өтіп жатқан әлем чемпионатына 60-тан астам Олимпиада чемпиондары келді. Чемпионатта 1002 балуан бақ сынап жатыр. Олар 104 елдің намысын қорғайды. Әлем біріншілігі туралы ақпарат таратуға 250-ден астам журналист тіркелді.
Бұған дейін хабарлағанымыздай, бүгін елордада өтіп жатқан күрес түрлерінен әлем чемпионатын қазақстандық балуандар жеңіспен бастады.
BAQ.kz
Сурет: дереккөз
