Баскетбол лигасы төрт рет өтіп, ол лига ақпан айынан мамырға дейін жалғасты.
Бұл лигаға 2002, 2005 жылғы 8-11 сынып ұлдарынан құралған құрамалар қатысып, өзара бақ сынасты. Бар жауапкершілік дене тәрбиесі пәні мұғалімдеріне жүктелді. Ал балалардың денсаулығы, жол қауіпсіздігі команда өкілдері, жаттықтырушылар жауапты болды.
Ойын ұзақтығы төрт таймнан, тайм ұзақтығы 10 минутқа созылды. Баскетбол лигасына 8 мектеп құрамасы, атап айтсақ, Е.Ағелеуов, О.Шонаев, Береке, А.Байтұрсынов(Чкалов), Жалғансай, Қ.Ахмедияров, Махамбет балалар-жасөспірімдер спорт мектебі қатысты. Баскетбол лигасынан жүлделі 1 орынды О.Шонаев, Қосарал орта мектептері жеңіп алса, жүлделі 3 орынға Махамбет балалар-жасөспірімдер спорт мектебі құрамасы ілікті.
Барлық жүлдегер-жеңімпаздар аудандық дене шынықтыру және спорт бөлімінің кубок, медаль, бағалы сыйлықтарымен марапатталды.
А.Құрмаш
