Жарысқа 30 дойбышы қатысып жатыр.
Атырауда Республика күні қарсаңында Кеңес одағының батыры Талғат Бигелдиновтың 100 жылдығына арналған жасөспірімдер мен кадеттер арасында дойбыдан облыстық турнир басталды. Жарыстың бас төрешісі Еркін Үсеновтың айтуынша, турнирден жеңімпаз атанғандар алдағы өтетін ересектер арасындағы турнирге жолдама алады.
– Бұл шаралар күнтізбелік жоспар бойынша дәстүрлі түрде өтіп отырады. Ересектер арасындағы турнирден жеңімпаз атанғандар Қазақстан чемпионатына қатысады. Балалардың жарысқа қатысуға ниет білдіргендерінің өзі жеңіс деп білемін. Уақыттарын бос өткізбейді, – деді Еркін Өтегенұлы.
Алмас ҚАБДОЛОВ,
суреттер автордікі
