Қазақстан Республикасы Ақпарат және қоғамдық даму министрлігі Мемлекет басшысының бастамасымен 2020 жылы құрылған «Жыл волонтері» халықаралық сыйлығын алуға конкурс өткізілетіні туралы хабарлайды.
Сыйлық волонтерлік қозғалысты дамытуға және қолдауға, сондай-ақ әлеуметтік және қоғамдық пайдалы міндеттерді шешуге елеулі үлес қосқан отандық және халықаралық волонтерлер мен волонтерлік топтарды, волонтерлік ұйымдарды көтермелеуге және ынталандыруға бағытталған.
Ол үшін qazvolunteer.kz интернет-платформасында волонтерлік қызмет бойынша өтінім беру және деректерді толтыру қажет.
Өтінімдерді қабылдау 2022 жылғы 1 қазанда басталып, 2022 жылғы 20 қазанға дейін жалғасады.
Байқау екі кезеңде өтеді:
Бірінші кезең – qazvolunteer.kz интернет-платформасында ашық онлайн-дауыс беру;
Екінші кезең – әр номинация бойынша жоғары дауыс жинаған 10 үміткерді Конкурстық комиссияның бағалауы.
Нәтижесінде келесі номинациялардың әрқайсысы бойынша үш үміткер жеңімпаз деп танылады:
- «Үздік волонтерлік ұйым»;
- «Корпоративтік волонтерлік көшбасшысы»;
- «Тұрақты даму мақсаттарының көшбасшылары»;
- «Үздік әлеуметтік көмекші»;
- «Төтенше жағдайларды жоюға белсенді қатысқаны үшін»;
- «Хабар-ошарсыз кеткен адамдарды іздеуге белсенді қатысқаны үшін»;
- «Құқық бұзушылық құрбандарына көмек көрсетуге белсенді қатысқаны үшін»;
- «Денсаулық сақтауды дамытуға белсенді қатысқаны үшін»;
- «Салауатты өмір салтын насихаттауға белсенді қатысқаны үшін»;
- «Білімді дәріптеуге қосқан үлесі үшін»;
- «Қоршаған ортаны сақтауға және қорғауға қосқан үлесі үшін»;
- «Бейбітшілікті, достық пен келісімді нығайтуға қосқан үлесі үшін»;
- «Тарихи-мәдени мұраны сақтауға және дамытуға қосқан үлесі үшін»;
- «Зоологиялық қорғау мәселелерін шешуге қосқан үлесі үшін»;
- «Әлеуметтік міндеттерді шешуге қосқан үлесі үшін».
Сыйлықты тапсыру 5 желтоқсан - Халықаралық волонтер күнін мерекелеуге арналған арнайы марапаттау рәсімінде өтеді.
Сыйлықты беру қағидаларымен «Әділет» нормативтік құқықтық актілерінің ақпараттық-құқықтық жүйесінде танысуға болады.
Сілтемелер: http://10.61.42.188/kaz/docs/V2000021420
Сондай-ақ, АҚДМ-нің ресми интернет-ресурсында да орналастырылған.
Сілтемелер: https://www.gov.kz/memleket/entities/qogam/documents/details/77386?lang=kk
Анықтама үшін: Қазақстан Республикасы Ақпарат және қоғамдық даму министрлігі Азаматтық қоғам істері комитетінің қайырымдылық және волонтерлік мәселелері жөніндегі басқармасы, 87172 741286 және 87172 741074.
